1-ماعندي حد وسط يعني يا ان اتكلم واتكلم واسولف لدرجه اذا كان في يدي شي مثلا قهوه تصير بااارده واذا كنا ناكل انا اخر وحده اقوم لان طبيعي ماكلت طول المده وانا اتكلم وهذا الشي اذا مع الناس الي اكون مرتاحه معاهم واتحمس في السواليف او اني مااتكلم ابدا وهذه في حالات اذا كنت اول مره اقابل مجموعه او الى الان ماحددت ايش طبيعه علاقتي معاهم وايش طريقه تفكريهم ..
2- فوضويه :S يعني كل مره ارتب غرفتي اقول لنفسي سهى خلاص اذا اخذتي الشي رجعيه في مكانه وتبدا الفوضى تتسلل لغرفتي شي ورا شي يعني ماراتاح الين ماتصير غرفتي فوضى الحمد الله بس غرفتي يعني ماسبب الفوضى في اي مكان ثاني في البيت ..
3- في سؤال غريب لاحظت نفسي اني اساله دائما >>>( متى نمتي امس؟ ) مادري ليش يهمني هذا الموضوع يعني دائما اسال صديقاتي متى نمتوا امس !!! ادري مافي اي تفسير الا انها لقافه مني ههههههه
4- شخصيتي مكس يعني مثلا احب اسمع اغاني رقص ووناسه وخربوطيه وفي نفس الوقت احب اسمع اغاني قديمه وطربيه , احب اطلع من البيت واتمشى وكمان احب اقعد في البيت, احب السهر واحب اقوم الصباح بدري , احب البس شي عادي ومريح واحب اتكشخ يعني لما احد يسالني اسأله ايش تحبين اكثر ..دائما احتار في الاجابه لاني احب اسوي كل شي ا لا تحسبون ان عندي انفصام في الشخصيه هههههههه
5- احب البساطه واكره التكلف وهذا الشي ينتشر عند البنات التكلف بطريقه غريبه ان يااااي برستيج وكشخه وماركات ... انا عن نفسي ماقدر استحمل هذا الشي احب اي انسان يتصرف بطبيعته
6- ماحب اتكلم بالجوال يعني عندي الجوال للاشياء الضروريه او ايام الاختبارات لما ابغى اتناقش في شي او مره كذا ممكن اطول في المكالمه >>> وفي ناس كثير تزعل مني عشان هذا الشي لاني ماكلمهم .. كل مره اتهزأ ليه مادقين :S
7- امممم تعبت وانا اكتب .... احب اشعه الشمس تكون منوره غرفتي لدرجه ان ماعندي ستاره خلاص تعودت انام والغرفه منوره
8- قائمه امنياتي في ازدياد مستمر والمشكله الى الان ما قدرت احقق شي منها .. دائما يقولو سهى عيشي في الواقع يعني لا تعيشي نفسك في خيال
9-احب اكون مسؤوله عن نفسي واحب اكون معتمده على نفسي في كل شي واكره الي ماعندهم حس للمسؤوليه ومعتمدين على اهاليهم في كل شي >> هنا انا ماتكلم عن اهل الي مايتركوا فرصه لأولادهم انهم يتحملون المسؤليه انا اتكلم عن الاولاد نفسهم مدلعين يعني هم مبسوطين لانهم متكلين على الاهل في كل شي
10 - اخر شي انا احس اني انسانه قويه بس دمعتي قريبه يعني معروف ان الانسان القوي المفروض مايبكي بسرعه بس مادري انافيني هذه الصفتين مجتمعه لازم اسوي انهيار مفاجئ هههههههههه بعدين عادي يرجع كل شي لوضعه الطبيعي ...
هذا 10 صفات كتبتها ومنتظره ارائكم عن شخصيتي ...
